റേഡിയോ ജോക്കിയായി ഔദ്യോഗിക ജീവിതം ആരംഭിച്ച് സിനിമ നടിയായ താരമാണ് നൈല ഉഷ. സോഷ്യല്‍ മീഡിയയില്‍ സജീവമായ നൈല ഉഷ പുതിയ വിശേഷങ്ങളും സുഹൃത്തുക്കള്‍ക്ക് ഒപ്പമുള്ള വീഡിയോകളും ഇന്‍സ്റ്റഗ്രാമില്‍ പങ്കുവെക്കാറുണ്ട്.
കുഞ്ഞനന്തന്റെ കട എന്ന സിനിമയിലൂടെ വെള്ളിത്തിരയിലേക്ക് എത്തിയ നടി ലൂസിഫര്‍ സിനിമയിലും ഒരു പ്രധാനവേഷം ചെയ്തിരുന്നു. ഇപ്പോള്‍ ഇതാ സോഷ്യല്‍ മീഡിയയില്‍ നൈല ഉഷ പങ്കുവെച്ചിരിക്കുന്ന ഒരു വീഡിയോ ആണ് വൈറലായിരിക്കുന്നത്.
പ്ലേറ്റ് എറിഞ്ഞു പൊട്ടിക്കുന്നതാണ് വീഡിയോ. വീഡിയോ വൈറലായി എന്ന് മാത്രമല്ല വീഡിയോയില്‍ പ്ലേറ്റ് എറിഞ്ഞുപൊട്ടിക്കുന്നത് കണ്ട് നിരവധി പേരാണ് ക്ഷുഭിതരായി താരത്തിനെതിരെ തിരിഞ്ഞത്. ഒടുവില്‍ വിശദീകരണവുമായി താരം തന്നെ രംഗത്തെത്തി.
ഒരു ഹോട്ടലില്‍ ഭക്ഷണം കഴിക്കാന്‍ പോയപ്പോഴാണ് നൈലയും സുഹൃത്തുക്കളും അവിടുത്തെ പ്ലേറ്റുകള്‍ എറിഞ്ഞു പൊട്ടിച്ചത്. ഇതിന്റെ വീഡിയോ വൈറലായതോടെ നിരവധി ആളുകള്‍ നൈലയ്ക്ക് നേരെ തിരിയുകയും ചെയ്തു.
ഇക്കാര്യം ചൂണ്ടിക്കാട്ടി നിരവധി പേര്‍ മെസേജുകള്‍ അയച്ചെന്നും നൈല പറഞ്ഞു. എന്നാല്‍, ശരിക്കും ആ പ്ലേറ്റുകള്‍ എറിഞ്ഞു പൊട്ടിച്ച സംഭവം എന്താണെന്ന് വ്യക്തമാക്കി രംഗത്ത് എത്തിയിരിക്കുകയാണ് നൈല ഉഷ.
വീഡിയോയിലാണ് നൈല ഉഷ നടന്ന സംഭവം എന്താണെന്ന് വ്യക്തമാക്കുന്നത്. ലൈവില്‍ എത്തിയാണ് വിമര്‍ശനങ്ങള്‍ക്കെല്ലാം താരം മറുപടി നല്‍കിയത്.
താന്‍ ചെയ്തത് ഒരു ഗ്രീക്ക് ട്രഡീഷന്‍ ആണെന്നും റസ്റ്റോറന്റ് ഒരു ഗ്രീക്ക് റസ്റ്റോറന്റ് ആണെന്നും നൈല വ്യക്തമാക്കി. ഗ്രീക്കുകാര് വര്‍ഷങ്ങളായി ഫോളോ ചെയ്തു വരുന്ന ഒരു പാരമ്പര്യം ആണിതെന്നും എന്തെങ്കിലും വിശേഷദിവസങ്ങള്‍ ഒക്കെ വരുമ്പോള്‍ പ്ലേറ്റ് പൊട്ടിക്കുന്നത് സാധാരണകാര്യമാണെന്നും താരം വ്യക്തമാക്കി.
ഇത് ഫുഡ് കഴിക്കാന്‍ ഉപയോഗിക്കുന്ന പ്ലേറ്റ് പോലെയല്ലെന്നും പൊട്ടിക്കാന്‍ വേണ്ടി അവരുണ്ടാക്കുന്ന പ്ലേറ്റാണെന്നും നൈല പറഞ്ഞു. പൊട്ടിക്കാന്‍ വേണ്ടി ഉണ്ടാക്കുന്ന പ്ലേറ്റുകളാണ് അതെന്നും അത് തറയിലിട്ട് പൊട്ടിച്ച് കഴിഞ്ഞാല്‍ പൊട്ടിയത് ശേഖരിച്ച് വീണ്ടും പ്ലേറ്റുകളുണ്ടാക്കി അടുത്ത ഗസ്റ്റിന് നല്‍കുകയാണ് ചെയ്യുകയെന്നും നൈല വ്യക്തമാക്കി.
ഇത് ഒരു പാരമ്പര്യത്തിന്റെ ഭാഗമായിട്ടുള്ള ഒന്നാണെന്നും ഫുഡ് കഴിക്കുന്ന പ്ലേറ്റല്ല എറിഞ്ഞുപൊട്ടിക്കുന്നതെന്നും താരം വ്യക്തമാക്കി. എന്തായാലും ഇതു കേട്ടതോടെയാണ് പലര്‍ക്കും സമാധാനമായത്.
